स्वास्थ्य

नेपाल स्वास्थ्य अनुसन्धान परिषद् (एनएचआरसी) ले कोरोना भाइरस रोग (कोभिड–१९) को उपचारका लागि आयुर्वेदिक गुणयुक्त जडीबुटीको प्रभावबारे अध्ययन गर्ने भएको छ । उक्त अध्ययन आयुर्वेदिक क्याम्पसका प्राध्यापक तथा रिसर्च कन्सल्टेन्ट डा. विशुनदयालप्रसाद पटेलको नेतृत्वमा हुनेछ । डा. पटेलका अनुसार औपचारिक रूपमा एक सातापछि प्रदेश ५ मा एक सय जनामा विभिन्न जडीबुटीको मिश्रण गरेर बनाइएको औषधिको ‘क्लिनिकल ट्रायल’ गरिँदै छ । ‘उक्त अध्ययनका क्रममा ५० जना बिरामीलाई यो औषधि दिइनेछ र ५० जनालाई दिइने छैन,’ उनले भने, ‘त्यसपछि के नतिजा प्राप्त हुन्छ हेरौं । विभिन्न आयुर्वेदिक औषधि प्रयोगमा ल्याएर बिरामी निको भएको पाएका छौं । त्यसैले हामी प्रतिफल राम्रो आउँछ भन्नेमा सकारात्मक छौं ।’ उनका अनुसार कोभिड–१९ का विरुद्धमा प्रयोग भइरहेको नेपालमै पाइने जेठीमधु र त्रिकटु (सुठो, पिप्ला र मरीच) मिश्रण गरी तयार पारिएको आयुर्व

काठमाडौँ । यति बेला आँपको सिजन छ । फलको राजा मानिने आँप विश्वभरिमा सबैभन्दा रुचाइएको फल पनि हो । गर्मी याममा पाइने आँपलाई शास्त्रमा अमृत फलसमेत भनिएको छ । यो काँचो वा पाकेको दुवैमा औषधीय गुण हुन्छ । आयुर्वेदका अनुसार आँपका पाँचै भाग अर्थात् बोक्रा, जरा, पात, फल र फूल सबै उपयोगी छन् । पाकेको आँप गुलियो, वीर्य बढाउने, पौष्टिक, वायुनाशक, शरीरको कान्ति बढाउने, शीतल, पित्तनाशी, भोक बढाउने मानिन्छ । यसले मुटुलाई बलियो बनाउनुको साथै पित्तलाई नियन्त्रणमा ल्याउनेसमेत मानिन्छ । आँपको रस भने बल दिने, वायुनाशक, मुटुलाई तृप्त गर्ने र कफवद्र्धक मानिन्छ । पाकेको आँपमा प्रोटिन, बोसो, खनिज पदार्थ, कार्बोहाइड्रेड, क्याल्सियम, फस्फोरस, फलाम, भिटामिन ‘ए’, ‘सी’ र ‘बी’ लगायत हुन्छ । पाकेको आँप पोषक, शक्तिवद्र्धक र बोसो बढाउने खालको मानिन्छ । आँपको मुख्य घटक सर्करा हो, जो विभिन्न फलमा ११ देखि २० प्रतिशतसम्म

काठमाडौं- प्रधानमन्त्री के पी शर्मा ओलीले सरकारले पेश गरेको आर्थिक वर्ष २०७७/७८ को बजेट र कोभिड–१९ नियन्त्रणका लागि सरकारको प्रयास लगायतका विषयमा गत जेठ २८ गते  प्रतिनिधिसभामा आफ्ना भनाइ राखेका थिए। त्यस क्रममा झण्डै १ घन्टा उनले आफ्नो मन्तव्य राखेका थिए भने ४५ मिनेट सांसदहरुले उठाएका प्रश्नको जवाफ दिएका थिए। आफ्ना विचार राख्ने क्रममा उनले अपुष्ट र अप्रमाणित दाबी पेश गरेका थिए। उनका त्यस्ता दाबीमाथि सामाजिक सञ्जाल प्रयोगकर्ताले प्रश्न उठाएका थिए भने पत्रपत्रिकामा समाचार प्रकाशित भएको थियो। प्रधानमन्त्री ओलीले प्रतिनिधि सभामा बोल्ने क्रममा गरेका दाबीमध्ये तीन वटा गलत र भ्रामक रहेको पाइएको छ। ती दाबीको हामीले तथ्य जाँच गरेका छौ। पहिलो दाबी 'अहिले पनि अन्यत्रभन्दा पिसिआर (पोलिमरेस चेन रियाक्सन) टेस्ट भएन भनेर साथीहरुले कुरा उठाइरहनुभएको छ। प्रति दश लाख टेस्टमा भुटानभन्दा पछि छौ। भुटानको जन

अनिच्छुक गर्भ बसेका कारण १७ पटकसम्म गर्भपतन गराइसकेकी हेटौँडा उपमहानगरपालिका– ६ की ४४ वर्षीया एक महिलाले १७ पटकसम्म गर्भपतन गराइन् । दुई छोरी र एक छोराकी आमा उनले भनिन्, '१७ वटा बच्चा फालिसकेँ, यही कारणले मलाई रगत बग्ने रोग निस्किएको छ । अब यही रोगले ज्यान लिन्छ जस्तो छ, निकै समस्या हुने गर्छ ।' स्वास्थ्य समस्याले अस्पताल आएकी उनले आफ्नो अवस्थाका बारेमा सुनाइन् । यति पीडा सहेकी उनकाे अझै अर्काे असह्य पीडा छ । उनका श्रीमान् आफूसँग नरहेको र अर्की श्रीमती ल्याएर डेढ वर्षदेखि छुट्टै बस्दै आएको उनले सुनाइन् । अझै दुःखको कुरा त यो छ कि उनका श्रीमान् सरकारी कर्मचारीसमेत हुन् । श्रीमानले हेरचाह नगरेपछि उनी अहिले माइती नेपालमा उजुरी गर्न पुगेकी छन् । उनले रुँदै भनिन्, 'परिवार नियोजनको साधन प्रयोग गरौँ भनेर कैयौँपटक बिन्ती गर्दा पनि उहाँले मान्नु भएन। आज मेरो शरीरको यो अवस्था भयो । अब उहाँ न

काठमाडौं, जेठ १ गते । अमेरिकी औषधि निर्माता कम्पनी जिलिडले कोभिड–१९ विरुद्ध प्रयोग गरिने रेम्डिसिभिर औषधि बनाउन भारत र पाकिस्तानसँग सम्झौता गरेको छ । भारत र पाकिस्तानमा उत्पादन सुरु भए उक्त औषधि विश्वका १२७ देशमा आपूर्ति गरिनेछ । जिलिडले यी दुई देशका पाँचवटा औषधि बनाउने कम्पनीसँग सम्झौता गरेको बीबीसीले जनाएको छ । विश्वभरिका अस्पतालमा गरिएको प्रयोगशाला परीक्षणबाट रेम्डिसिभिर प्रयाेग गर्दा १५ दिन  देखिने सुधारकाे लक्षण ११ दिनमा पाइएको छ । रेम्डिसिभिर यसअघि इबोलाको उपचारका लागि विकास गरिएको थियो । अमेरिकी ‘नेशनल इन्स्टिच्युट अफ एलर्जि एण्ड इन्फेक्शस डिजिज’ले गरेको परीक्षण प्रयोगशालाबाट रेम्डिसिभिरको प्रयोग कोभिड–१९ का सङ्क्रमितमा सुहाउँदो फेला परेको छ । यद्यपि सङ्क्रमणबाट हुने मृत्युमा रेम्डिसिभिरको प्रभावबारे अझै स्पष्ट भइसकेको छैन ।

– प्रा. डा. एकारत्न आचार्य  विस्वमा फैलिएको कोरोना भाइरसको महामारीका कारणले धेरैजसो देशहरुका बालबालिका पनि घरमै बन्दाबंदिमा बस्नु परेको यो विषम परिस्थिति छ । ल त ल यस समयमा समयको सदुपयोग तथा अध्ययनमा निरन्तरता दिने धेरै उपायहरु छन् केहि सहज कामहरु यसरि अगाडी बढाउन है त नानी बाबुहरू ! १. यस समयमा बालबालिकाले एउटा छुट्टै कापीमा आफ्ना हरेक दिनका अनुभवहरुको संगालो बनाउने र दैनिकी लेख्ने बानीको विकास गरे समयको पनि सदुपयोग र लेखनमा अभ्यास भैरहन्छ । यसबाट आफ्नो जीवनी आफै लेख्ने बानीको विकास हुन्छ र अनुसन्धानमा चलेको विधा अटोईथ्नोग्राफीमा रहेर पछी अनुसन्धान गर्न पनि सहयोग गर्छ । २. नेपाली तथा अंग्रेजीजस्ता भाषाका बिषयमा चिठी लेख्न, निबेदन लेख्न अभ्यास गर्ने र यात्रा सस्मरण लेख्न थाले नि राम्रो हुन्छ । वा आँफुलाई लागेका केहि कुराहरु लेखौ है त ! ३. स्वास्थय सम्बन्धि आफुले जानेका, सुनेका कुराहर